Конкурс-выстава дзіцячага малюнка “Мой родны кут, як ты мне мілы…”
3 лістапада ў ДУА “Смаргонскі раённы цэнтр творчасці дзяцей і моладзі” ва ўрачыстых абставінах прайшло адкрыццё раённай выставы дзіцячага малюнка «Мой родны кут, як ты мне мілы...», прысвечаны 135-годдзю з дня нарыджэння Янкі Купалы і Якуба Коласа.
Выставу ў гэты дзень наведалі больш за 80 навучэнцаў дзяржаўных ўстаноў адукацый горада, а таксама запрошаныя госці, сярод якіх была карэспандэнт рэдакцыі газеты “Светлы шлях” Валянціна Бужынская. Выставе папярэднічаў конкурс, аб’яўленны сярод устаноў агульнай сярэдняй адукацыі Смаргонскага раёна. Удзельнікі конкурса, натхняючыся неўміручай творчасцю вялікіх сыноў Беларусі, Я.Купалы і Я.Коласа, малявалі ілюстрацыі да твораў, партрэты паэтаў, беларускую прыроду, апетую ў іх творах. На адкрыцці выставы гучалі песні, напісаныя на словы паэтаў, навучэнцы чыталі вершы Купалы і Коласа, у творчай форме прэзентавалі свае работы, а таксама разгадвалі рэбусы і разблытвалі блытаніну ў вершах, надаючы ім першапачатковы арыгінальны выгляд.
На конкурс было даслана 32 работы, сярод каторых былі вызначаны 12 пераможцаў па дзвюх намінацыях і ў дзвюх узроставых катэгорыях: Кудаш Вікторыя (ДУА “Сярэдняя школа № 7 г.Смаргоні”), Мішчык Вадзім (ДУА “Смаргонски раённы цэнтр творчасці дзяцей і моладзі”), Сосна Дзіяна (ДУА “Гімназія г.Смаргоні”), Ёч Віялета (ДУА “Сярэдняя школа № 3 г.Смаргоні”), Харужык Анастасія (ДУА “Смаргонскі раённы цэнтр творчасці дзяцей і моладзі”), Кацяш Вылерыя (ДУА “Вучэбна-педагагічны комплекс Сыраваткінскі яслі-сад-сярэдняя школа”), Захарчук Вераніка (ДУА “Сярэдняя школа № 2 г. Смаргоні”), Бурдук Анастасія (ДУА “Сярэдняя школа № 5 г. Смаргоні”), Падбярозка Вольга (ДУА “Сольская сярэдняя школа”), Паланевіч Андрэй (ДУА “Вучэбна-педагагічны комплекс Залескі яслі-сад-сярэдняя школа”), Дудко Ганна (ДУА “Сярэдняя школа № 7 г.Смаргоні”), Юркін Уладзіслаў (ДУА “Вучэбна-педагагічны комплекс Сінькоўскі яслі-сад- сярэдняя школа”).
Выставу дзіцячага малюнка “Мой родны кут, як ты мне мілы...” можа наведаць у выставачнай зале ДУА “Смаргонскі раённы цэнтр творчасці дзяцей і моладзі” кожны жадаючы ў будні дзень з 8.00 да 12.30 і з 14.00 да 16.30, а таксама ў суботу па папярэдняй дамоўленасці па тэлефоне 3-14-04.
Залеская А.В., загадчык аддзела
