Лета ў «Берандзеі»
Выдатным вырыянтам правядзення летніх канікул для дзяцей, якія не баяцца цяжкасцей і фізічных нагрузак, з'яўляецца адпачынак у палатачным турысткім лагеры. Гэта ўнікальная магчымасць стаць больш самастойным, наблізіцца да прыроды, атрымаць мноства выдатных эмоцый, даведацца пра асновы выжывання ў лесе, падарожнічаць па родным краі.
Менавіта таму ў ліпені 60 хлопчыкаў і дзяўчынак ва ўзросце ад 10 да 17 гадоў вырашылі правесці незабыўныя дні ў палатачным турыстска-краязнаўчым лагеры «Берандзей». У склад 3-х груп увайшлі гурткоўцы Смаргонскага цэнтра творчасці дзяцей і моладзі і навучэнцы школ раёна.
На працягу 9-ці дзён юныя вандроўнікі прайшлі рознымі маршрутамі роднага края і любай Беларусі, наведалі старажытны Полацк, гераічны Брэст, гасцінны Мінск. Заняткі на скаладроме, турыстская паласа перашкод, майстар-класы ад бывалых турыстаў – усё гэта чакала ўдзельнікаў лагера. Але самым запамінальным сталі падрыхтоўчыя заняткі на байдарках, а затым сплаў на вялізнай лодцы і байдарках па р. Вілія.
Вольга Васіленка, дырэктар палатачнага 9-цідзённага турыстска-краязнаўчага лагера “Берандзей”,
загадчык адзелам турыстска-краязнаўчай работы ДУА “Смаргонскі РЦТДМ”.
