Скарбы роднага краю
Фальклорны гурт «Жалейка» пад кіраўніцтвам Яновіч Іны Уладзіміраўны прыняў удзел у IV рэгіянальным дзіцячым фальклорным фестывалі беларускай народнай творчасці “Скарбы роднага краю”, які прайшоў на тэрыторыі Дзіцячага цэнтра культуры “Расток” у горадзе Маладзечна 14 мая.
Галоўная мэта фестывалю – захаванне музычнага, танцавальнага і мастацкага скарбаў Беларусі.
Канцэртная праграма фестывалю ўключала 29 нумароў. Гледачы маглі пачуць разнастайныя творы беларускай музычнай творчасці (народнай і аўтарскай, вакальнай і інструментальнай) і ўбачыць беларускія народныя танцы. Смаргонскі гурт “Жалейка” выканаў беларускія народныя песні “Земляныя яблыкі” і “Пірагі”.
Гурт “Жалейка” быў адзначаны дыпломам за ўвасабленне нацыянальнага каларыту.
В.І. Казакевіч, метадыст АМТВЧ
