Смаргонская “Батлейка” на свяце “Несцерка запрашае” у Воранаве
Свята “Несцерка запрашае” – гэта фінал абласнога агляду-конкурсу аматараў тэатральныга мастацтва. Конурс праходзіў з лютага па верасень гэтага года, у ім прынялі ўдзел 36 аматарскіх калектываў розных тэатральных жанраў, сярод якіх былі вызначаны 10 лепшых, чатыры з іх і выступілі 26 кастрычніка перад воранаўскімі гледачамі, якія вельмі цёпла прынялі артыстаў.
Сваё сцэнічнае майстэрства дзецям і дарослым паказалі артысты лялечнага гуртка Вярэйкаўскага Дома культуры Ваўкавыскага раёна, тэатральнай студыі “Бубенчыкі” Гродзенскага гарадскога цэнтра культуры, клуба аматараў тэатра з Навагрудка “Мудрость Плюс”, а таксама лялечнага тэатра “Батлейка” Смаргонскага раённага цэнтра творчасці дзяцей і моладзі,
Конкурс праходзіць ужо не першы год. Кожны раз месцам выніковага свята, як, напрыклад, “Несцерка запрашае”, вызначаецца новы раён, каб пазнаёміць удзельнікаў свята з яго адметнымі асаблівасцямі, што яшчэ больш паспрыяе духоўнаму ўзбагачэнню аматараў тэатральнага мастацтва.
Навучэнцы гуртка “Батлейка” прывезлі з сабой дыпломы, падарункі і шмат новых ураджанняў.
