Вячоркі ў Васіліны
8 снежня 2018 года навучэнцы лялечнага тэатра “Батлейка”, фальклорнага ансамбля “Жалейка”, сабраліся разам з бацькамі і сябрамі ва ўтульным зале Смаргонскага районнага цэнтра творчасці дзяцей і моладзі на дасугавай праграме “Вячоркі ў Васіліны ”.
Выступалі навучэнцы малодшай і старэйшай групы фальклорнага ансамбля “Жалейка” і лялечнага тэатра “Батлейка”, якія спявалі народныя песні і паказалі два спектаклі “Як курачка пеўніка ратавала”, “Чудесное зёрнышко”. У зале былі не толькі дзеці, але і іх бацькі і сваякі. Гледачы з вялікай цікавасцю і захапленнем назіралі за гульнёй юных артыстаў. Спявалі, танцавалі, гулялі ў гульні не толькі артысты, але і госці. Нязмушаную атмасферу свята стварыла вядучая Ірына Казойць, культарганізатар цэнтра творчасці.
Удзельнікі вячорак спявалі, паказвалі спектаклі - усё гэта зрабіла мерапрыемства незабыўнай і радаснай падзеяй для ўсіх гасцей.
Шмат апладысментаў атрымалі навучэнцы творчых калектываў, якія заўсёды радуюць публіку сваімі выступленнямі.
