Гуканне вясны
22 сакавіка 2019 года вучні лялечнага тэатра «Батлейка», фальклорнага ансамбля «Жалейка» адзначылі вясновае народнае свята «Гуканне вясны» з бацькамі і сябрамі ва ўтульным зале Смаргонскага раённага цэнтра творчасці дзяцей і моладзі.
Каханне да радзімы зараджаецца ў чалавеку ў самым раннім дзяцінстве, з першай пачутай песняй на роднай мове, першай народнай казкай, прыказкай і прымаўкай.
На свяце панавала радасная атмасфера: вучні малодшай і старэйшай групы фальклорнага ансамбля «Жалейка» і лялечнага тэатра «Батлейка» сустракалі вясну народнымі песнямі, карагодамі, чыталі вершы, гулялі на музычных інструментах, у гульнявой форме знаёміліся з беларускімі традыцыямі і абрадамі, а батлейшчыкі паказалі беларускую народную казку «Каза-манюка». У зале былі не толькі дзеці, але і іх бацькі і сваякі. Гледачы з вялікай цікавасцю і захапленнем назіралі за гульнёй юных артыстаў. Спявалі, танцавалі, гулялі ў гульні не толькі артысты, але і госці.
Усё гэта зрабіла мерапрыемства незабыўнай і радаснай падзеяй для ўсіх гасцей. Шмат апладысментаў атрымалі вучні лялечнага тэатра «Батлейка» і фальклорнага ансамбля «Жалейка».
Яновіч І.У., кіраўнік лялечнага тэатра «Батлейка», фальклорнага ансамбля «Жалейка».
