«Толькі дружным пакараюцца моры!»
У гэтым годзе аздараўленчы лагер з кругласутачным знаходжаннем «Брыганціна» на базе дзяржаўнай установы адукацыі «Сольская сярэдняя школа» Смаргонскага раёна сабраў самых актыўных, дапытлівых і таленавітых хлопчыкаў і дзяўчынак, удзельнікаў і пераможцаў конкурсаў, алімпіяд на лідарскую рэгату «Навігатар поспеху».
Два «экіпажы карабля» са сваімі адважнымі капітанамі адправіліся ў плаванне пад дэвізам - «Толькі дружным пакараюцца моры!».
Гульнявая ідэя змены засноўвалася на сюжэце твора А.С. Някрасава «Прыгоды Капітана Врунгеля».
Падарожжа было напоўнена бітвамі, выпрабаваннямі і адкрыццямі, якія былі прадстаўлены ў форме чэленджа, сэлфіяната, хэпенінгу, воркшопа. Таксама на працягу ўсёй змены для дзяцей праходзілі заняткі па развіццю лідарскіх якасцяў, падрыхтаваныя педагогамі дзяржаўнай установы адукацыі «Смаргонскі раённы цэнтр творчасці дзяцей і моладзі».
Хлапчукі і дзяўчынкі даведаліся, што такое - быць лідэрам, навучыліся працаваць у камандзе, планаваць і арганізоўваць уласны час з карысцю для сябе і іншых.
Вялікую цікавасць выклікаў чэлендж «Саюз 3D: Dерзай! Dружи! Dелай», дзе ўдзельнікам неабходна было даказаць, што менавіта іх дзіцячая грамадская арганізацыя лепшая.
Прайшлі мерапрыемствы, прымеркаваныя да 75-годдзя вызвалення Рэспублікі Беларусь ад нямецка-фашысцкіх захопнікаў, 75-годдзю ўтварэння Гродзенскай вобласці, 45-годдзя з дня прысваення Мінску ганаровага звання «Горад-герой». Менавіта па гэтых тэмах для рабят прайшла «Марская бліскавіца», у якой самай згуртаванай аказалася каманда Шмелько Аліны (1 месца) і каманда Рака Клімента (2 месца).
Вандроўнікі лідэрскай рэгаты дакрануліся да легенд малой радзімы, пабывалі ў маляўнічых месцах, размешчаных побач з лагерам. Пятроў Валерый Іванавіч, гісторык ДУА «Сольской сярэдняй школы», правёў для рабят пазнавальную экскурсію па гістарычных мясцінах аграгарадка. Маршрут пачынаўся з музея, а пасля дзеці наведалі помнікі на тэрыторыі Сольского сельскага савета, даведаліся гісторыю касцёла Маці Божай Ружанцовай, пабывалі на ферме КСУП «Агра-Солы».
Кожны дзень завяршаўся вясёлай і шумнай дыскатэкай.
Заўсёды цяжка расставацца з новымі і ўжо такімі блізкімі сябрамі, але кожны карабель павінен вяртацца да роднай прыстані. На лодкавай станцыі рыбгаса ля вогнішча быў уладкаваны цёплы і душэўны «Аганёк сяброў», якім скончылася змена лагера «Брыганціна».
Па словах удзельнікаў, лідэрская змена «Навігатар поспеху» атрымалася яркай, пазнавальнай, насычанай і цікавай. Дзеці сталі сапраўднымі сябрамі і не жадалі расставацца, абяцаючы сустрэцца ў лагеры ў наступным годзе.
Аскірка Анжэла Андрэеўна, метадыст ДУА «Смаргонскі РЦТДМ»
Какаулiна Лізавета Уладзіміраўна, педагог-арганізатар ДУА «Сольская СШ»
